Cookie-politika

Cookie propioak eta hirugarrenen cookieak darabiltzagu gure zerbitzuak hobetzeko eta, zure nabigazio-ohituren jarraipena eginez, zure lehentasunekin erlazionatutako publizitatea erakusteko. Nabigatzen jarraitzen baduzu, erabilpen honekin ados zaudela ulertuko dugu. Konfigurazio hau aldatzeko edo informazio gehiago eskuratzeko, jo hona

Berriak
Euskadi Basque Country - Murias Taldeak Continental mailan jarraituko du 2017an
Partekatu:      

Euskadi Basque Country - Murias Taldeak Continental mailan jarraituko du 2017an

28-09-2016

Euskadi Basque Country – Murias Taldeak Continental mailan jarraituko du 2017. urtean. Talde profesional moduan hirugarren urtea beteko du, eta euskal harrobia egituratzen lanean jarraituko du etorkizunean hazten joateko.

Euskal Erakundeen babesa du taldeak 2018rako, eta eurekin lanean ari da 2017. urtearen erdi aldera Continental Profesional mailara jauzi egingo duela aditzera emateko. Maila horretan egoteak Euskal Herriko Itzulian edo Espainiako Vueltan parte hartzeko aukera emango lioke taldeari.

“Gogor ari gara lanean azken bi urteetan jorratu dugun harrobi-lana sendotzen. Bigarren urtean iritsi da lehen garaipena, eta 2017an zehar harrobia egituratzen jarraitu nahi dugu, hazi, eta eskarmentua irabazten joan, 2018an Continental Profesional mailara jauzi egin ahal izateko”, adierazi du Jon Odriozola kirol-zuzendariak.

Gainera, taldeak elkarrizketa iraunkorrak mantentzen ditu Frantziako Tourrarekin, izan ere, etorkizun hurbilean proiektu honek lasterketan parte hartzeko aukera begi onez ikusi baitute.